Arrow backLanguage
AR
Feed icon
مقالة

معركة العودة لجسم ما قبل الحمل

من قبل حتى ما تحملي، وانتي أكيد ياما سمعتي عن معركة كل أم بعد ما تخلف وقد إيه متضايقة إنها تخنت، ودلوقتي انتي الأم دي ونفسك تخسي كل اللي تختيه، وأكيد عارفة إن بالأكل الصحي مع الرياضة ده هيحصل بس حاسة إن المعرفة دي أسهل بكتير من الفعل. على العموم، بشوية تشجيع من نفسك ومن اللي حواليكي، هتخسي، ويمكن الكلام اللي جاي يساعدك على ده

2دقيقة
للقراءة Jan 27, 2020

خدي وقتك وحددي هدفك

  • قبل ما تبتدي دايت، استني جسمك يتسريحو “الپيريود” تبتدي تيجيلك تاني بانتظام.
  • حددي انتي عايزة تخسي كام كيلو وحددي ده بشكل منطقي وممكن تحقيقه، حاولي يبقى الهدف إنك ترجعي لوزنك قبل الحمل وزوّدي كيلو أو اتنين كيلو زيادة.
  • حددي الفترة الزمنية اللي عايزة تحققي فيها هدفك وخليها متناسبة مع حجم الهدف. الخسسان السريع خطر على الصحة وسهل رجوعه بنفس سرعة خسارته.
  • الخبر السعيد إنك لو بترضّعي طفلك بشكل طبيعي، ده بيساعد إنك تخسي تدريجيًا.

الدايت والأكل الصحي

  • حافظي على إنك تاكلي ٣-٤ وجبات في اليوم وبكميات معقولة، ما تفوتيش ولا أكلة، وما تجوعيش نفسك لدرجة إنك تضعفي قدام أول فرصة “چانكفوود”
  • كتّري من الخضار، واسلقيه أو أعمليه بالبخار وما تستخدميش إلا زيت زيتون، بلاش صلصة.
  • كُلي فاكهة بس ما تكتريش عن ٣ ثمرات في اليوم.
  • بالنسبة للبروتين، فتفضل اللحوم البيضا اللي دهونها قليلة زياللحمة البتلو،والفراخمنغيرجلد،والسمك، ولو اللحوم الحمرا يبقى ستيك الكولاتة لأنه نسبة الحديد فيه عالية ومفيد.
  • منتجات الألبان مهمة لأن فيها كالسيوم بس أختاري دايمًا إنها تبقى “لايت” ومن غير دهون زي الجبنة القريش والزبادي اللايت واللبن خالي الدسم.
  • الكربوهيدرات (زي العيش والأرز والمكرونة(بتتخن وده معروف بس لازم برضه تاكليهم بكميات قليلة لأنهم مصدر مهم للطاقة.
  • السوايل ليها مفعول السحر. أشربي أكتر كمية مياه ممكنة في اليوم وأشربي سوايل دافية كتير من غير سكر وتحديدًا الشاي الأخضر. تجنبي تمامًا المشروبات المسكّرة والكحوليات.
  • لو نفسك في أكلة مش صحية، حاولي تبدليها بحاجة تانية صحية أكتر. يعني لو مثلًا نفسك في شوكولاتة جدًا، حاولي تبدليها بتفاحة، إنما لو نفسك في حاجة ومش قادرة، يبقى كليها لأن التساهل من فترة للتانية بيساعدك تكملي.

الرياضة

  • الأول ابدئي بالراحة، يعني بالمشي أوبالسباحة لحد ما تستعيدي لياقتك وتقدري تشدّي في الچيم.
  • الاستمرارية أهم من الكثافة، يعني ٢٠دقيقة تمارين شد بطن مرة في الأسبوع هتأثر أكتر من مرة واحدة ساعتين في الشهر.
  • فيه طرق كمان ممكن تلجأي ليها جنب الرياضة زي التدليك ضد السلوليت بجلسات علاج طبيعي.
Logo white

احصلي على جميع المعلومات والنصائح تتعلق بفترة الحمل والولادة من خبراء التغذية

  • لائحة أخباري

    محتوى منظم بناءً على تفضيلاتك

  • إرشادات التغذية

    تعرفي على خيارات التغذية المختلفة وفوائدها لك ولطفلك

  • أدوات عملية مخصصة

    جربي أدواتنا العملية المخصصة لإرشادك خلال رحلة الأمومة.

  • برنامج أول ألف يوم من حياة طفلي

    إخطارات وتذكيرات ورسائل إخبارية مخصصة

Search icon

ما زلتي لم تجدي ما تبحثين عنه؟

جربي سؤال المحرك الذكي الجديد ، سيكون لدينا دائمًا.