نمو الجنين
طوله بقى حوالي ٣٧ سانتي. بقى مستعد إنه يتنفس لكن حاليًا لسه بيتنفس من خلال السائل الأمنيوسي اللي بيملى الرئتين وبيختفي بعد الولادة. تجاعيد جلده قلت لأن الدهون بتبدأ تتراكم تحته. بقى عنده القدرة على التنظيم الذاتي لدرجة حرارة الجسم الداخلية ودي اللي هتخليه يتكيّف مع الحرارة الخارجية أول ما يوصل الدنيا بسلام.
جسمك
الشعور بالشد في ضهرك أو بطنك والانقباضات اسمها "مخاض كاذب" وده معناه إنك بتبذلي مجهود جسماني أكتر من اللازم. لو الألم زاد، أتصلي بدكتورك.
نظام أكلك
كل حاجة بتاكليها بيوصل منها جزء بسيط للسائل الأمنيوسي اللي بيحيط طفلك وبيقدر يدوق ويتعرف على طعمه. كل ما تنوّعي في أكلك، كل ما بتعرفيه على نكهات أكتر. بالمناسبة، زي ما الأكل بيوصل لطفلك، هرمون السعادة لما بيتفرز عندك بيوصل له برضه. كل ما تبسطي نفسك أكتر، هو بيتبسط أكتو.
نصايحنا
لأنك في آخر أسبوع في السابع وفيه أطفال بيتولدوا في السابع، فممكن الانقباضات اللي بتحصل لك تفهميها إنك خلاص هتولدي وتتوتري. لو طفلك فعلًا هيتولد في السابع، فده معناه إنه صحيًا مستعد يجي بدري عن الطبيعي، يعني ده مش المفروض يكون مصدر قلق ليكي.
0 reviews