الأسبوع الثلاثون من الحمل

نمو الجنين

دلوقتي بيتمرن على التنفس، فممكن بدل ما تلاقي حركاته الطبيعية اللي كان بيعملها، تلاحظي إن فيه صوت غريب ومتكرر؛ دي زوغطة لأن خد كمية كبيرة من السائل الأمنيوسي. بقى يسمع الأصوات اللي حواليه وده بيزوّد حركاته وبيزوّد معدل ضربات قلبه

جسمك

كبر حجمه مع التحركات اللي بيعملها جواكي، بتخليكي حاسة بوجع عام في الجسم وفي الضلوع. أشربي مياه أكتر لأنها بتساعد على تدفق الدم اللي بيخفف من آلام جسمك..وأهدي وبلاش توتري نفسك، خلاص هانت!

نظام أكلك

لو بتشتغلي، فقريب هتاخدي أجازة الولادة. أستغليها في إنك تريّحي نفسيًا وجسديًا على قد ما تقدري وتركزي أكتر مع نظام أكلك وتخليه مفيد وصحي أكتر وفيه كل الفيتامينات اللي محتاجاها خصوصًا فيتامين ج اللي موجود في الفواكه.

نصايحنا

أمهات كتير بتسأل لو بتقضي وقت طويل قدام الكمبيوتر أو اللابتوب بسبب شغلها، هل ده هيأثر على الجنين؟ الإجابة لأ. أثبتت الدراسات إن الإشعاعات مش بتضر الجنين ولا بتأثر عليه بأي شكل. خلصي شغلك أو أتفرجي على أفلام زي ما تحبي وبدون أي تأنيب ضمير.

اقرأي المزيد