الأسبوع الخامس من الحمل

نمو الجنين

بيظهر نصين الكرة المخية وبتبدي تظهر الأعضاء الحسية مع ظهور حدود العين والودن وبداية المناخير، وبيتشكل الجهاز الرئوي والجهاز الهضمي شوية بشوية. قلبه بقى أوضح. لو عملتي سونار في الفترة دي، هتسمعي نبضات قلبه بوضوح.

جسمك

هتحسي باللي بيحس بيه معظم الستات الحوامل؛ نِفسك بتغُم عليكي الصبح، وترجيع، وتوتر وانفعال بسبب التغييرات في الهرمونات، وممكن تلاحظي إمتلاء في الصدر أو إن جسمك شادد إو بآلام في الحوض. كل ده طبيعي جدًا في الفترة دي.

نظام أكلك

ما تهمليش الفطار لأن نسبة الكربوهيدرات اللي بتاخديها الصبح زي العيش هي اللي بتديكي طاقة علشان تقدري تكملي يومك. قسمّي وجباتك صح؛ كُلي التلات وجبات الرئيسية وكُلي بينهم وجبات خفيفة وخصوصًا في فترة الصبح. أشربي مياه كتير على قد ما تقدري علشان تتجنبي الجفاف. ما تقلقيش لو لاحظتي إنك بتخسي من كتر الترجيع، ده شيء مؤقت.

نصايح

بعد ما تتأكدي من الحمل، تابعي بصفة مستمرة مع دكتوراللي هيأكد لك إن كان الحمل تم بشكل صحي جوا الرحم وهيحسب تاريخ الولادة المتوقع وده مهم مستقبليًا.