الأسبوع السادس من الحمل

نمو الجنين

دلوقتي، أتكونت الأعصاب البصرية وأتكونت راسه حتى لو لسه أكبر من جسمه بكتير وأتكون عموده الفقري، وإيده ورِجله بقوا أطول.

جسمك

هتفضل آثار الحمل غير اللطيفة –للأسف – موجودة زي الغثيان والإرهاق والتقلبات المزاجية. الحاجة الوحيدة اللي ممكن تهوّن عليكي هي إن الأعراض دي معناها إن بيتم إفراز الهرمونات المفيدة للحفاظ على الجنين. حاوّلي تبقي مستريحة جسمانيًا خلال الفترة دي وخلي روتين يومك على المستوى الشخصي والعملي يسمح بده

.

نظام أكلك

خليكي حريصة يدخل جسمك دايمًا تلات الكربوهيدرات زي العيش والأرز والمكرونة لأنهم بيدوكي طاقة، الخضار والفاكهة لأنهم مصادر مهمة للفيتامينات اللي محتاجاها الفترة دي، وحبوب القمح والمكسرات لأنها مصدر هايل للماغنسيوم اللي بيساعدك على الاسترخاء وفيتامين ب ١٢ اللي مهم للجهاز العصبي. تجبني العصاير غير الطبيعية والألبان غير المبسترة.

نصايحنا

لو كنتي متعودة على الرياضة والجري يوميًا، تقدري تفضلي مواظبة طالما مش حاسة بتعب، لكن مهم برضه إنك تستشيري دكتورك لأنه – مثلًا - ما ينفعش تجري أكتر من ٥ كيلو وانتي حامل، ولأنه هيبقى خطر لو انتي من النوع اللي وزنه مش بيزيد خلال الحمل.