الأسبوع الخامس والعشرون من الحمل

نمو الجنين

حركته دلوقتي بقت أكتر وأوضح وبتحسي بخبطات جواكي. قربي له إيدك على بطنك وممكن هو كمان يحاول يلمسك، ده بيساعد على تقوية الارتباط بينكم من قبل حتى ما تتقابلوا.

جسمك

خلال النوم، ممكن يجيلك أحلام مش حلوة كتير نتيجة القلق والمخاوف والتفكير في مستقبل ابنك. حاولي تهدّي نفسك وخصوصًا قبل النوم. ابنك نايم جواكي وهو كمان دلوقتي بيقدر يحلم.

نظام أكلك

ما تمنعيش نفسك من أكل نفسك فيه علشان طفلك؛ يعني مثلًا لو نفسك في فراخ بالكاري وخايفة من كم التوابل اللي فيها، كُليها عادي لأن الوجبة مش بتوصل بشكل مباشر لطفلك، بيوصل اللي يخليه يا دوبك يدوقها من خلال السائل الأمنيوسي. تجنبي بس الفلفل الحرّاق، ده مش حلو ليكي ولا له.

نصايحنا

لو رجلك وارمة، أرفعيها قدامك علشان الضغط يخف عليهم أو أنزلي أمشي شوية علشان السمانة تنشط الدورة الدموية وتنقل السوايل للجسم من فوق. لو فيه ورم في إيدك ووشك، فروحي للدكتور لأنه ده ممكن يكون ورم سببه – بعد الشر- تسمم الحمل.