Arrow backLanguage
MyFeed Personalized Content
مقالة
Add this post to favorites

الأسبوع السادس والعشرون من الحمل

راسه بقى قطرها ٧ سم ووزنه حوالي ٩٠٠ جرام. جسمه بقى مليان بسبب تراكم الدهون تحت الجلد كمخزون احتياطي لما بعد الولادة. الشعر والضوافر في طريقهم للنمو الكامل.

2دقيقة للقراءة يناير 29, 2020

نمو الجنين

راسه بقى قطرها ٧ سم ووزنه حوالي ٩٠٠ جرام. جسمه بقى مليان بسبب تراكم الدهون تحت الجلد كمخزون احتياطي لما بعد الولادة. الشعر والضوافر في طريقهم للنمو الكامل. تحت اللثة بقت موجودة أسنانه المستقبلية متغطية بطبقة من المينا. دلوقتي، ممكن يمسك الحبل السُري ويسحبه لقدام ولورا كأنه بيلعب.

 

جسمك

كل ما بتزيد البطن في الحجم، كل ما النوم بيبقى أصعب. ما ينفعش تنامي على وشك، وما ينفعش تنامي على ضهرك لأن الرحم ممكن يضغط على الوريد الكبير في ضهرك ويوقّف تدفق الدم. أفضل وضع للنوم هو النوم على الجانبين مع إنك تحطي مخدة بين رجليكيعلشان تستريحي أكتر.

 

نظام أكلك

لو بتعاني من ارتجاع المريء وحرقان المعدة خصوصًا بالليل، خلي وجبة العشا خفيفة. لو وجبة الخفيفة بتخليكي لسه حاسة بالجوع، يبقى كُلي وجبة خفيفة بعد العشا وقبل النوم على طول..حاجات زي الفاكهة والزبادي اللي بتساعد على الهضم عكس الدهون والنشويات بالليل اللي بتصعبّه.

 

نصايحنا

كل ما المساحة بتضيق عليه جوا بطنك، كل ما حركات طفلك بتبقى أقل. ما تقلقيش إلا لو حسيتي إنه بقاله فترة طويلة مش بيتحرك زي الأول...ساعتها، روحي للدكتور واتأكدي إنه تمام وإن شاء الله يبقى تمام جدًا إنما كسلان شوية بس.

MVP Logo

احصلي على جميع المعلومات والنصائح تتعلق بفترة الحمل والولادة من خبراء التغذية

  • newspaper icon

    لائحة أخباري

    محتوى منظم بناءً على تفضيلاتك

  • medical expert icon

    إرشادات التغذية

    تعرفي على خيارات التغذية المختلفة وفوائدها لك ولطفلك

  • corner border

    أدوات عملية مخصصة

    جربي أدواتنا العملية المخصصة لإرشادك خلال رحلة الأمومة.

  • letter icon

    برنامج أول ألف يوم من حياة طفلي

    إخطارات وتذكيرات ورسائل إخبارية مخصصة

Search icon

ما زلتي لم تجدي ما تبحثين عنه؟

جربي سؤال المحرك الذكي الجديد ، سيكون لدينا دائمًا.
‏بحث ‏