الأسبوع السابع من الحمل

نمو الجنين

بتتكون أول عضلاته وبيبدأ في الحركة حتى لو لا إرادية. بتكبر رجله ودراعاته وبتكوّن كوعه. بتبدأ صوابع رجله وإيده تاخد شكلهم. دلوقتي، العصب البصري بيشتغل بشكل كامل تقريبًا وبيبدأ يتفاعل مع الاختلافات في الضوء بشكل طفيف جدًا.

جسمك

دخلتي في مرحلة الوحم؛ هيبقى نفسك في أكل معين وممكن مايبقاش كان بيجي على بالك أصلًا وماتبقيش طايقة أكل كان مفضل بالنسبة لك. هتضايفك الروايح النفّاذة حتى لو ريحة البرفيوم بتاعك اللي بتحبيه ومتعوّدة عليه. كل ده طبيعي وراجع للتغييرات الهرمونية.

نظام أكلك

دخلي وجبة خفيفة وصحية بين الأكلات زي سندويتش جبنة صغير أو زبادي مع فاكهة وبسكويت، هتديكي طاقة وفي نفس الوقت هتبقي بتخلّي جسمك يخزّن دهون مفيدة هتحتاجيها في آخر شهور الحمل.

نصايحنا

الإحساس بإن نِفسك غامة عليكي ممكن يبقى سببه انخفاض نسبة السكر في الدم، فـ كُلي الوجبات الخفيفة اللي أتكلمنا عنها. أشربي عصاير زي التفاح اللي بيعوّض السوايل المفقودة. الجنزبيل علاج هايل للغثيان، بس لو هتجيبيه من العطّار اتأكدي إنه مناسب للحوامل.

اقرأي المزيد