Arrow backLanguage
MyFeed Personalized Content
٠-٦ أشهر
مقالة
Add this post to favorites

إزاي تخففي من مغص ابنك؟

فيه أيام هتمر عليكي، هتلاقي ابنك بيعيط ويصرّخ بلا توقف؛ ده معناه إنه عنده مغص. رغم إن المغص طبيعي وبيحصل لأي بيبي لسه مولود، بس برضه بتفضلي متضايقة علشانه وقلقانة عليه وكمان مع إرهاقك وقلة نومك بتبقي عايزة تعملي أي حاجة علشان وجعه يروح.

2دقيقة للقراءة فبراير 3, 2020

ايه هو المغص؟

- آلم في المعدة حاد ومتكرر بيخلّي ابنك طول اليوم مش مرتاح وبيصرّخ. 

- حسب الإحصائيات، حوالي ٢٠٪ من الأطفال اللي أعمارهم بين أسبوعين لأربع أسابيع سواء كان بيرضعوا طبيعي أو صناعي، بيعانوا من المغص. 

- المغص والإسهال مش مرتبطين ببعض، ده حاجة وده حاجة (راجعي مقال إمتى تقلقي من الإسهال غير المتوقف؟) 

- أسباب المغص راجعة لكذا سبب؛ لسه الجهاز الهضمي والعصبي غير ناضجين، أو بيدخلّه أكل أكتر من اللازم، أو مش معدته مش متحملة اللبن الصناعي، أو فيه توتر من الأب والأم حواليه وهو حاسس بيه. 

 

إيه اللي ممكن أعمله ويخفف من المغص؟

- لو بترضعي طبيعي: حاولي تتجني الأكل الحرّاق والخضار اللي من عيلة الكرنب والقرنبيط، والبقوليات زي الفول والعدس. رضعي من نفس الصدر في المرة الواحدة علشان في آخر كل رضعة فيه لبن بينزل كتير وده ممكن يمنع المغص. 

- لو بترضعي صناعي: قللي كمية الهوا اللي ممكن يشفطها وهو بيمص من الببرونة، وممكن تجربي الببرونة المضادة للارتجاع لأنها بتقلل بلع الهوا. بعد ما يخلّص، اتأكدي إنه هضم وإنه اتكرّع. اتأكدي إنك بتستخدمي الكمية المظبوطة من اللبن والمياه. ما تغيّريش نوع اللبن إلا بعد ما ترجعي لدكتورك. 

- دلكي بطن أو بطنها بالراحة في اتجاه عقارب الساعة وحطي إزازة ماية دافية ملفوفة بفوطة على بطنه

- استخدمي الـ baby carrier اللي بتخليكي شايلاه طول الوقت، لأنه الوضع العمودي هيريّحه الفترة دي. 

- البيبي بيهدى أكتر لما يمص فالبتالي الفترة دي هيبقى حابب إنه يرضع كل الأوقات، خدي بالك من إنك تستجيبي كل مرة علشان ممكن يجيله تخمة وده هيزوّد الوجع أكتر.

في النهاية، مش محتاجين نوصيكي إنه قبل ما تتعاملي مع الموقف بنفسك لازم تتأكدي من دكتورك إنه ده فعلًا مجرد مغص، لو الحالة طوّلت أو زادت، برضه أرجعي لدكتورك.

MVP Logo

احصلي على جميع المعلومات والنصائح تتعلق بفترة الحمل والولادة من خبراء التغذية

  • newspaper icon

    لائحة أخباري

    محتوى منظم بناءً على تفضيلاتك

  • medical expert icon

    إرشادات التغذية

    تعرفي على خيارات التغذية المختلفة وفوائدها لك ولطفلك

  • corner border

    أدوات عملية مخصصة

    جربي أدواتنا العملية المخصصة لإرشادك خلال رحلة الأمومة.

  • letter icon

    برنامج أول ألف يوم من حياة طفلي

    إخطارات وتذكيرات ورسائل إخبارية مخصصة

Search icon

ما زلتي لم تجدي ما تبحثين عنه؟

جربي سؤال المحرك الذكي الجديد ، سيكون لدينا دائمًا.