إمتى أوقف رضاعة وأعرف إنه شبع

من أول ما بيتولد ولحد ٤ شهور

علامات الجوع

- هيبقى هادي نسبيًا وعينيه بتتحرك بسرعة كأنه بيحاول يستوعب اللي بيحصل حواليه. 
- هيلف لك راسه بسرعة ويفتح بؤه أول ما تجربي تحط طرف صباعك في بؤه. 
- ممكن يقعد يمص في صوابعه ويضغط على شفته. 
- لو مالاقاش استجابة لكل العلامات دي، هيبتدي يتضايق ويعيّط ويصرّخ. 

علامات الشبع

-هيفقد اهتمامه بالرضاعة بطريقة واضحة.
-مش هيبقى لسه ماسك في صدرك.
- هيهدى ويسترخى تمامًا وممكن ينام. 

من أول ٤ لحد أول سنة  

علامات الجوع

- غالبًا هتبقى ابتديتي تفهميه وتفهمي علامات جوعه، أعتمدي أكتر على غريزتك وإحساسك. 
-هيبتدي يمص في صوابعه علشان يهدّي نفسه قبل ما يوصل لمرحلة الإزعاج. 
- هيبقى مأريف ومتضايق لحد ما تاخدي بالك من إنه جعان.
- هيبدأ يرضع أول ما تبدأي وممكن يقف لحظات وبعدين يرجع ياكل تاني. 
-لما يغلب، هيبتدي يعيط جامد. 

علامات الشبع 

- بشكل عام،في الس نده،البييوصل لمرحلة الشبع بعد ٥ لـ ١٠ دقايق.
- بيشيل بؤه ويبعد راسه.
-مش بيهتم خلاص يكمل الرضاعة.
- هيهدى ويسترخى تمامًا وممكن يدخل في النوم.