Arrow backLanguage
AR
Feed icon
مقالة

هل ابني عنده حساسية من اللبن؟

لو بترضعي صناعي أو بعد ما ابنك يبتدي ياخد ببرونة ويتعرض للبن الصناعي ممكن تلاحظي إنه مش كويس وإن تأثير اللبن تحوّل لحساسية من نوع البروتين الموجود فيه أو عدم توافق السكر المعروف بـ "عدم تحمل اللاكتوز".

2دقيقة
للقراءة Feb 3, 2020

في العشر سنين اللي فاتوا، تضاعفت حالات الحساسية ضد اللبن وبتصيب حوالي ٣٪ من الأطفال تحت سن سنتين وبتختفي بنسبة ٨٠٪ من الحالات بعد ما يتم سنتين لو اتمنع اللبن من النظام الغذائي للطفل.

 

إزاي تتعرفي على النوع ده من الحساسية؟

فيه ٣ أنواع رئيسية من أعراض الحساسية ضد اللبن

  • الجلد: الارتيكاريا، والأكزيما، وإحمرار أو شحوب أو ورم في الوش.
  • الجهاز الهضمي: الترجيع، وجع البطن (لو طفل)، والإسهال المزمن (لو لسه مولود)، والارتجاع، والإمساك.
  • الجهاز التنفسي: من ٢٠٪ لـ ٣٠٪ من الحالات، بيحصل ربو وكحة بصفارة وصعوبة في التنفس.
  • في حالات نادرة بيحصل خلل كبير في الدورة الدموية وانخفاض مفاجيء في ضغط الدم ولازم يتنقل بسرعة على المستشفى.

لو شكِتي، قولي لدكتورك وأعملي اختبار حساسية كامل؛ هيعمل اختبارات الجلد اللي هتوضح مظاهر الحساسية خلال عملية الهضم وهيقارنها بنتيجة اختبار الدم.

 

هل للوراثة عامل؟

الإجابة: أيوا، تاريخ العيلة مع الحساسية له عامل رغم إن ممكن ابن يورثها والابن التاني يبقى حظه أحسن وما يورثهاش

 

لو اتأكدت إن عنده حساسية، أأكله إيه؟

  • هتبدلي تركيب لبن الأطفال بتركيبة تانية فيها البروتين محلول كبديل لحليب الأبقار، وده لا يقل في الغنى عن اللبن اللي كان بياخده وفيه نفس الفوايد
  • لو كنتي عايزة ترضعيه طبيعي، فانتي كمان لازم تبعدي المنتجات اللي فيها ألبان واللبن البقري عن أكلك، لأن اللي بتاكليه برضه بيوصل له.
  • أتعودي تقري مكونات كل حاجة قبل ما تشتريها علشان تتأكدي إن مفيهاش أثر لبروتين اللبن البقري والمكونات دي زي أشهرهم: الحليب المجفف، الكازين، كازينات، لاكتوجلوبولين، لاكتالبيومين، مصل اللبن،
  • بلاش تستخدمي "لبن الصويا". وكالة الغذاء والصحة والسلامة الفرنسية (AFSSA) بتنصح بعدم استخدام لبن الصويا للي أصغر من ٣ سنين.

 

في الأخر، الأجسام المضادة اللي بيحتوي عليها لبن الأم هي أفضل وقاية للحساسية. يستحسن ترضعي رضاعة طبيعية أول أربع شهور على الأقل.

Logo white

احصلي على جميع المعلومات والنصائح تتعلق بفترة الحمل والولادة من خبراء التغذية

  • لائحة أخباري

    محتوى منظم بناءً على تفضيلاتك

  • إرشادات التغذية

    تعرفي على خيارات التغذية المختلفة وفوائدها لك ولطفلك

  • أدوات عملية مخصصة

    جربي أدواتنا العملية المخصصة لإرشادك خلال رحلة الأمومة.

  • برنامج أول ألف يوم من حياة طفلي

    إخطارات وتذكيرات ورسائل إخبارية مخصصة

Search icon

ما زلتي لم تجدي ما تبحثين عنه؟

جربي سؤال المحرك الذكي الجديد ، سيكون لدينا دائمًا.